I 26 è 27 di Maghju si tenerà in Taormina (pruvincia di Messina) una reunione di u G7. U G7 hè l’incontru di i più grandi putenzi glubali ; ci anu da participà i capi di Statu di Germania, Francia, Stati Uniti, Regnu Unitu, Ghjappone, Canada è Italia cù e so delegazione. Trump, Merkel, Hollande, u Primu ministru Talianu s’anu da vede in Sicilia pè cunfrontassi à nantu à temi specifichi : cyber cuntrollu, smart city è sicurezza di a cità contr’à u terrurisimu. Aldilà di i temi specifichi serà torna per elli l’occasione pè cunfrontassi à nantu à l’equilibri ecunomichi è i novi scenari di guerra à u livellu mundiale. Torna una volta, i maiori di a pianeta (Russia è Cina ùn serenu presenti) s’adduniscenu pè decide di a sorte di u mondu è guarantì l’interessi di i lobby. Anu decisu d’urganizà sta reunione in un locu simbolicu : Taormina, a Sicilia. A Sicilia hè a zona d’Auropa cù u più altu tassu di disoccupazione ; a Sicilia di e strade chi si sfondanu, di l’acqua razionata pè i cittadini, di i collegamenti chì ùn esistenu ; Taormina hè unu di i lochi i più turistichi di a Sicilia : u simbulu d’un spaziu « ecceziunale » chì strida cù i paesaghji, naturali è umani, chì a circondanu ; una cità concessa à u cunsemerisimu di i ricchi turisti di passaghju in u Mediterraniu. In questi lochi tanti significativi anu da ghjunghje questi capi di Statu, anu da ghjunghje l’amercani chì anu pensatu a Sicilia com’è zona induve stallà un sistema radar « Muos » à forte impattu di induinamentu elettromagneticu. Anu da ghjunghje i francesi, di quale e multinaziunale anu cumpratu praticamente tutta l’acque publica disponibile in Sicilia, è avà s’approntanu à mette e mane à nantu à u business di i mulizzi ; ci serà Gentiloni, marionett gestita di l’anzianu Primu Ministru Renzi chì hà ridottu a Sicilia à esse unu di i territorii i più poveri d’Auropa. U G7 di Taormina pò esse, dunque, l’occasione perfetta pè inizià à alzare a testa, à ricurdà ci chì i territorii sò di quale ci campa è à nantu à u so destinu devenu decide quale ci campa è micca 7 capi di statu, ma pò essa dinò di più. Guerra e migrazione, per esempiu, trovanu ind’i participanti a questa renunione i principali responsabili di fenomeni chì scumpiglianu u mondu è e vite di milioni di persone. E pò c’hè a crisa ecunomica, ci sò i mercati è a finanza, e banche è a speculazione : questa hè u sistema cù u quale i capi di Statu s’imbarcheranu ind’i so aeri privati per ghjunghje in Sicilia à cuntà ci quantu hè bellu u mondu in quale no’ campemu.